El ministru d’Educación, Cultura y Deporte en funciones, Íñigo Méndez de Vigo, propunxo esti martes que les tapes pasen a ser consideraes Patrimoniu de la Humanidá porque se convirtieron en daqué universal.
Méndez de Vigo anunció-ylo a la directora xeneral de la Unesco, Irina Bokova, mientres un alcuentru del Foru Nueva Economía, onde destacó que les tapes “vienen d’una esfera localista pero que güei se convirtieron en daqué que pertenez al idioma universal”.
España -recordó’l ministru- ye’l tercer país con más bienes inscritos na llista de patrimoniu mundial, yá que s’alcen a 44 los bienes asina declaraos. Unesco significa enforma pa España y ayúdanos enforma a la de ver de qué manera podemos avanzar nel futuru”, añedió Méndez de Vigo.
Si espolleta la propuesta de Méndez de Vigo, el tapeo pasaría a asitiase al mesmu nivel que’l flamencu, los castellets o la dieta mediterránea, otres aportaciones españoles al patrimoniu inmaterial de la humanidá que reconoció la Unesco.