¿Quies ver cómo se trabaya dientro d’un llaboratoriu o d’un centru d’investigación? Del 16 de payares al 2 d’avientu ya pues asomate al MeetLab a conocer de primera cómo se fai ciencia en distintos centros d’investigación d’Asturies.
Introducimos nueses cámares nes sos instalaciones para amosate qué equipamientu tienen y cómo funciona, cómo son los procesos de trabayu o qué proyectos tán llevando a cabu.
Van Ser los mesmos investigadores y científicos quien te espliquen en directu cómo desenvuelven la so investigación nos sos llaboratorios. Vas Tener la oportunidá de preguntar toles tos duldes y d’establecer un diálogu en directu con ellos.
Del 16 de payares de 2021 al 2 d’avientu de 2021