Mamma Mia! convida a los asturianos a baillar en La Llaboral

La xira del musical Mamma Mia! llega a La Llabora de Xixón del 16 al 19 de xunu y col envís de promocionar l’espectáculu ente los asturianos, el coreógrafu de la mesma, Carlos Carrasco, va ufrir una “masterclass” de baldre, el vienres 17 de xunu, a les 16:30 hores, en La Llaboral, Ciudá de la Cultura.

Los interesaos en participar baillando los temes del musical d’Abba, pueden apuntase de baldre nel corréu lletrónicu eventosrecrea@recrea.asturias.es, poniendo nome, edá y corréu lletrónicu o teléfonu de contactu. L’actividá ta encamentada pa persones de más de 16 años.

Tolos participantes van recibir un 15% de descuentu sobre’l preciu de la entrada al musical, na so sesión del domingu 19 de xunu, a les 17:30 hores.

Related posts

La Banda Gaites de Castrillón ufrió’l so repertoriu nel Espace Jean-Pierre Pichard

Asturies destaca en comprensión llectora

Calviño cree que “l’español va ser una de les llingües líderes del mundu dixital”