Los diez destinos turísticos emerxentes de 2017 atopense na so gran mayoría fora del territoriu Européu (cola esceición d’Islandia) y d’América del Norte, o lo que ye lo mesmo de los países occidentales mas densenrrollaos económicamente.
El 27 de setiembre celebrose’l Día Mundial del Turismu y como recueye la Organización Mundial del Turismu, curiosamente, esta fecha foi escoyida por coincidir col últimu día de la temporada alta de viaxes nel hemisferiu norte y l’empiezu d’esta nel hemisferiu sur.
Como amuesa esta infografía de Statista, los diez destinos turísticos emerxentes de 2017 atopense na so gran mayoría fora del territoriu Européu (cola esceición d’Islandia, con un aumentu de visitantes del 34,9% nel primer cuatrimestre de 2017 al respective de 2016) y América del Norte. Sicasí, Asia ye’l continente más representáu, con destinos como Territorios Palestinos (con un aumentu del 57,8% nesti periodu), Mongolia (del 28,3%) y Vietnam (del 31,2%) ente los que se volvieron más populares respectu al añu pasáu.