Los neandertales asturianos llamen l’atención del públicu llocal y los turistes

Redacción.

Alredor de 1.200 persones pasaron pela esposición sobre los neandertales que tuvo puesta na Casa Cultura de Cangues d’Onís nos meses d’abril y mayu. L’amuesa cuntó con unos mui bonos resultaos na rempuesta del públicu. Tatno foi asina, que vio ampliaes les sos feches iniciales en quince díes más. Estos resultaos ponen de manifiestu, según los organizadores, “l’interes qu’estos temes espiertan ente los asturianos”.
P’afalar la incidencia de la esposición, la Casa Cultura abrió cuando la muestra la posibilidá de que los asistentes cumplimentaren un orixinal cuestionariu nel que se plantegaben cuestiones sobre’l ciclu vital de los neandertales, que se podíen responder na mesma amuesa.

La esposición, organizada pola Universidadá Distancia (Uned) va visitar otros conceyos asturianos nos meses vinientes y quier esplicar quien yeren y cómo vivíen los grupos neandertales, tomando como referencia les escavaciones arqueolóxiques de la Cueva de la Güelga, onde vivieron los últimos individuos d’esta raza conocíos hasta agora n’Asturies.