La Fundación Serguéi Prokófiev, que defende y pon en valor la obra del compositor rusu más importantes del sieglu XX, acusa de plaxu a la escritora española Reyes Monforte pol so llibru Una pasión rusa (Espasa), ganador del últimu Premiu de Novela Histórica Alfonso X el Sabiu.
L’acusación parte del nietu del compositor, Serguéi Prokófiev Jr., que nun escritu publicáu na páxina de la Fundación critica abiertamente’l llibru de Monforte.
El descendiente del autor musical de Pedro y el llobu, Romeo y Julieta o Guerra y paz asegura que’l llibru de la escritora española reproduz y alteria ensin permisu fragmentos del llibru de 2009 “Lina Prokófiev. Una española nel gulag”, nel que l’autora rusa afincada n’España Valentina Chemberdjí retrata la relación ente Serguéi Prokofiev y la so compañera Lina, de padre español y madre francopolaca, y la so posterior cayida en desgracia.
La familia del compositor sí otorgó a Chemberdjí —que foi amiga personal de Lina Prokófiev— los permisos de publicación. La escritora rusa asegura que tamién va demandar a la novelista española.
Serguéi Prokófiev Jr., quien mora en París, va empecipiar acciones llegales contra Monforte por vulneración del derechu al honor y por plaxu.