“Col asturianu, xugamos nel mesmu equipu” ye’l lema de la campaña que vieno acabante poner esta selmana la Conseyería d’Educación y Cultura del Principáu d’Asturies pa promocionar l’usu de la llingua.
El deporte asturianu amosó’l sofitu que davezu ufre a la llingua asturiana sumándose a la iniciativa nes redes sociales, faciendo que les cuentes oficiales de Twitter de los principales equipos de fútbol asturianu ficieren anuncia de los sos partíos d’est fin de selmana nomando a la campaña.
El sábadu 5 pela nueche tanto’l Real Sporting como’l Real Uviéu tuitearon mensaxes n’asturianu p’anunciar los partíos del domingu. “Mañana visítanos UDLP_Oficial nel Molinón. Col asturianu, xugamos nelmesmuequipu”, foi’l mensaxe del Sporting en twitter, mentantu deden l’Uviéu daben les bones nueches: “¡Bones nueches, uvieístes! Nada meyor qu’atopase en casa. Vémonos nel Tartiere (17h) ¡PUXA UVIÉU! ¡HALA UVIÉU!”.
Otros munchos equipos asturianos sumaranse a la iniciativa, como facía la Unión Popular de Llangréu, el Real Avilés o el Lealtad, ente otros. Esti caberu acaba de camudar el nome del so campu pol que tradicionalmente tuviera, la denominación en llingua asturiana de “Les Caleyes”.