Per primera vegada na hestoria de les Cortes españoles, la llingua asturiana emplegose con normalidá: la diputada y cabeza de llista de Podemos, Sofia Castañón, y el el diputáu Segundo Gonzalez usaron la llingua asturiana na so promesa.
“Prometo acatar esta constitución y trabayar pa cambiala. Pola alcordanza de les nueses güeles, pol futuru de los nuesos fíos. Nunca más un país sin su gente y sus pueblos”. Con estes pallabres prometía’l so cargu la cabeza de llista de Popdemos por Asturies Sofía Castañón.
Segundo González comprometióse “a trabayar pa poner les instituciones al serviciu y a l’altura de la xente” pela so parte con una fórmula un pocu más llarga: “Prometo acatar esta constitución y trabayar pa cambiala. Comprométome a trabayar pa poner les instituciones al serviciu y a l’altura de la xente n’Asturies y n’España. Nunca más un país ensin la so xente y los sos pueblos”
Tolos diputaos de Podemos emplegaron la mesma fórmula pa prometer el so cargu siguendo’l vezu de que los diputaos usen dalguna frase que complemente o matice les sos pallabres. Pero, al contrario que les demás formaciones con representación parlamentaria, los sos diputaos de comunidaes billingües usaron les llingües maternes de caún.
