Según les respuestes d’una encuesta de Dalia Research, a los españoles gustaría-yos cuntar con una mayor ufierta de comida sana nes sos localidaes.
Tantu n’España como en Francia, esiste un marcáu arguyu pola ufierta culinaria local. El lema “como en casa nenyures” atopa na comida’l so meyor casu prácticu en dambos países. Sicasí, esto nun quier dicir qu’otros tipos d’alimentos, delles vegaes de calter exóticu, nun sían oxetu d’una mayor demanda.
Tal que recueye esta infografía de Statista, según les respuestes d’una encuesta de Dalia Research, a los españoles gustaría-yos cuntar con una mayor ufierta de comida sana nes sos localidaes. Asina, el 34% de los participantes nella, na que podíen escoyer ente 18 tipos de dietes distintes, decantase por esta opción. A esta síguen-y la comida local y la mexicana, con un 28% y 22% de los encuestaos decantándose por estes opciones, respectivamente.
A nivel européu, Dalia Research destaca la popularidá de les hamburgueses y la comida estadounidense, preferencia presente ente les cinco respuestes mayoritaries en tolos países del estudiu.