Los conciertos de la OFIL tornen, la próxima selmana, al patiu del Edificiu Históricu de la Universidá. Un total de cuatro conciertos, de los cualos trés desenvolveranse a lo llargo d’esti mes d’agostu, y el postreru d’ellos previstu pa la primer selmana de setiembre.
Una cita “bien esperada polos amantes de la música clásica”, según esplicó’l conceyal y presidente de la Fundación Municipal de Cultura, José Luis Costillas. “La nuesa Orquesta Sinfónica ye bien almirada y quería na ciudá, y les sos actuaciones espierten un gran interés ente los uvieinos, yá que son xuna garantía d’ésitu”, añedió Costielles, quien sorrayó la “bona acoyida” que ta teniendo la segunda edición del programa “Vemos na Cai”, “xuna apuesta de nivel”, dixo d’esti gobiernu pola Cultura segura” nestos tiempos de pandemia.
La primera de les actuaciones d’Uviéu Filarmonía va tener llugar esti xueves, día 12, a les 20 hores col conciertu pa clarinete y orquesta en La Mayor de W.A Mozart y la Sinfonía nº5 en Sib Mayor de F. Shubert. La dirección del recital va correr a cargu del solista de clarinete Vicente Alberola.
El día 19 d’agostu, so la dirección de Lina Tur Bonet y con Gabriel Ureña como solista al violonchelu, va escuchase la Sinfonía pa Cuerdes nº10 en Si menor, de F. Mendelssohn, el Conciertu para Violoncheo en Do de F.J. Hayden, Les Dances Rumanes en Seis Movimientos de B. Bartok y d’últimes les Cuatro Estaciones Porteñas d’A. Piazzola.
El penúltimu de los conciertos que va acoyer el claustru de la Universidá esti mes d’agostu, lleva’l títulu de “¿Respuesta? Fantasía y Pasión”. Un recital que va dirixir Marco Antonio Gª de Paz y qu’entiende trés pieces: la Entruga ensin Respuesta de Ch. Ives, la Sinfonía nº49 en Fa menor de F.J. Haydin y la Fantasía sobro una tema de Thomas Tallis pa doble orquesta de cuerda de R. Vaughan Williams.
La interpretación de la Sinfonía nº102 en Sib Mayor de F.J Hayden y la Sinfonía nº1 en Re Mayor op.25 “Clásica”, van poner, so la batuta de Lucas Macías, el broche final al ciclu de conciertos al campu de la OFIL. Va Ser el próximu 2 de setiembre.