Tres la publicación d’un teaser qu’apenes amosaba unos pocos segundos del filme, Pedro Almodóvar y la so productora, El deséu, llanzaron esta selmana’l tráiler oficial del so nuevu filme, “Julieta” onde apaecen dellos de los sos protagonistes . La película va llegar a les sales el 8 d’abril.
El deséu anunció en marzu de 2015 l’arranque del proyectu: una película que xira alredor del destín, del complexu de culpa y de un misteriu insondable: l’abandonu d’un ser queríu”.
La película titulábase Silenciu, pero’l cineasta decidió camuda-y de nome por cuenta de la coincidencia cola película homónima qu’anguaño va llanzar Martin Scorsese. Julieta cunta la hestoria d’una muyer, a la qu’interpreten en dos edad distintes Ugarte y Emma Suárez, y de cómo supera’l dolor por cuenta de la perda y l’abandonu de los sos seres queríos.