Llaboral inaugura esta tarde, a les 19 hores, la esposición Universu vídeu_Xeopolítiques, una selección d’ocho obres d’artistes que son parte del Arquivu d’Artistes Asturianos del Centru d’Arte y Creación Industrial. Cristina Bustu, María Castellanos, Sara García, Marian Garrido, Paco Naide, Lucia Rivero, Thr3hold y Román Torre cuestionen nes sos pieces la oxetividá de la idea d’escala per mediu de distintes estratexes de representación de paisaxes, espacios urbanos, oxetos y formes qu’esbocen el cosmos.