La banda musical Sweet California empezó l’añu confirmando les trés primeres feches del añu pa la so xira ‘Ladies Tour’, lo que-yos dexará celebrar l’ésitu colos sos fans en 2017, entamando’l domingu 12 de marzu.
La banda musical Sweet California empezó l’añu con grandes noticies. De mano, la vienta de más de 100.000 copies del so álbum ‘3’ apurrió un discu d’oru’ como renocimientu al tríu formáu por Alba, Sonia y Tamy, un auténticu fenómenu ente la mocedá.
Dempués, la ‘girlband’ confirmó los trés primeres feches del añu pa la so xira ‘Ladies Tour’, lo que-yos dexará celebrar l’ésitu colos sos fans en 2017. La primer ciudá en recibir a les cantantes va ser Sevilla’l domingu 12 de marzu. La siguiente ciudá española que va poder escuchar a les Sweet California va ser Granada’l 2 d’abril (nel Palaciu de Congresos) y cerrarase’l calendariu inicial nel Palaciu de los Deportes de Madrid el 23 d’abril.
L’ascensu del grupu de moces foi espectacular desque publicaron el so primer vídeu en YouTube en 2013, una versión de ‘Troublemaker’, de Olly Murs. Entós el tríu taba formáu por Sonia Gómez, Alba Reig y Rocío Cabrera, pero la postrera decidió abandonar el conxuntu en 2016. La so sustituta foi Tamy Nsue, baillarina y corista del grupu mientres les sos primeres xires.