Les compañíes aérees que tresporten a más pasaxeros n’Europa son Ryanair y Lufthansa y el grupu de la hispana Iberia, International Airlines Group, ye’l tercer grupu d’aerollínees según datos de 2018.
El grupu International Airlines Group (IAG), integráu poles aerollínees Iberia y British Airways, ente otres, acaba d’anunciar la compra de Air Europa a la sociedá Globalia per alredor de mil millones d’euros. La operación, que nun se llevará a cabu hasta la segunda metá de 2020, busca reforzar la posición del grupu IAG y del aeropuertu madrilanu Adolfo Suárez nes rutes ente Europa y América Llatina.
A nivel européu, según datos de 2018, International Airlines Group ye’l tercer grupu d’aerollínees que tresporta a más pasaxeros, con 113 millones nesti periodu. Air Europa, qu’anguaño ocupa la posición decimoctava nesta clasificación, va añedir agora dolce millones de veceros al haber de IAG. El grupu d’Iberia ye a día de güei solo superáu n’Europa pola aerollínea de baxu costu Ryanair, con 139 millones, y Lufthansa Group, con 142 millones, según la consultora del sector CAPA.
Fuente: es.statista.com