L’Atenéu de Turón y Softastur entamen un alcuentru pa instalar software n’asturianu

El colectivu Softastur entama nel Atenéu de Turón, en Mieres, un alcuentru con usuarios o interesaos nel sistema operativu Ubuntu n’asturianu. Va ser el xueves que y vienres que vien, a 19:00 y 16:30 hores respectivamente. Con esta “Instal Party” la organización quier “enseñar y/o instalar a tolos interesaos un sistema operativu que-yos permita manexar un ordenador n’asturianu dafechu”.

Según cuenten los responsables de Softastur, “col sistema operativu Ubuntu pue facese cualesquier xera, como restolar per Internet, ver videos, oyir música, escribir documentos, mandar/recibir emails, ver/editar semeyes, descargar música/películes, chatear… y too ello n’asturianu, ensin virus y de baldre”.

Softastur ye una plataforma de programadores y traductores en llingua asturiana dedicada a la torna y desarrollu de software llibre n’asturianu. Trátase d’una iniciativa de calter cívicu empobinada en programes de códigu llibre.

Consulta necesidaes pa instalar l’Ubuntu