El programa humorísticu ‘La vida moderna’ de la Cadena Ser vieno acabante declarar ‘oficial’ l’idioma tres de les critiques recibíes por facer chancies del mesmu.
El programa d’humor ‘La vida moderna’ presentáu por David Broncano, Ignatius Farray y Ququé, que la selmana pasada fixo chancies venceyaes al asturianu “dende’l desconocimientu”, decidió llamar ayeri al presidente de la nuesa asociación Iniciativa pol Asturianu col envís de pedi-y disculpes a él y a la comunidá asturfalante.
Inaciu Galán díxo-yos que “Los asturianos tenemos sentíu del humor” a lo que los presentadores reaccionaron declarando simbólicamente la oficialidá del asturianu nel so programa.