L’alcaldesa de Castrillón, Ángela Vallina, visitó esti xueves pela mañana, col direutor Xeneral de Patrimoniu, Adolfo Rodríguez Asensio, el xacimientu del Peñón de Raíces, pafacer siguimientu de les investigaciones encargaes y financiaes pol Conceyu a un equipu d’arqueólogos. El Conceyu Castrillón entamó hai poco un programa d’investigación, nel qu’invierte 500.000 euros, col oxetivu de conocer la importancia d’esti xacimientu que depués de les prebes de carbonu 14 realizaes paez ser clave pa desplicar la historia de la formación de Reinu d’Asturies.