Esti 1 de marzu l’Academia de la Llingua Asturiana (ALLA) vieno acabante unviar a la responsable ministerial una carta na que se-y fai alcordanza de la necesidá del reconocimientu de la especialidá docente de Llingua Asturiana y Lliteratura pal profesoráu de Primaria y Secundaria. Nel documentu úfrense los argumentos que sofiten el pidimientu y solicítase, al empar, un aconceyamientu con personal esperto de dambes instituciones.
L’Academia de la Llingua unviaba esta carta, cumpliendo pa cola función tutelar de los derechos lingüísticos del pueblu asturianu y la misión normativizadora y normalizadora del idioma, pa facer alcordanza amás de que
en redol a 400 profesionales de la educación dedíquense a impartir Llingua Asturiana y Lliteratura
nes redes pública y alcordada de la nuesa Comunidá Autónoma ensin contar colos mesmos drechos llaborales de cualaquier otru profesor.
Súing s’asoleya na mentada carta “so condición llaboral, interina y precaria, va marcada pola falta de reconocencia de la especialidá docente, a pesar de que diches enseñancess tén presentes nel sistema educativu asturianu con cálter regláu dende 1984. Amás, el profesoráu de Llingua Asturiana y Lliteratura cunta cola mesma cualificación universitaria qu’el de les demás especialidaes docentes: Máster de Formació n del Profesoráu d’ESO, Bachilleratu y FP cola Especialidá de Llingua Asturiana pa la Secundaria y Grau de Maestru de Educación Primaria cola Mención de Llingua Asturiana pa la Primaria”.
Na carta, l’ALLA tamién fai alcordanza de que la creación de la especialidá docente ye una demanda socioeducativa espresada por distintes axentes y llargamente sostenida nel tiempu, hasta’l puntu de que na presente llexislatura, el 6 d’ochobre de 2021, d’esta miente fízola’l Congresu de los Diputaos, col sofitu de les fuerces de Gobiernu, asina como, reiteradamente, el Conseyu Escolar del Estáu (por casu, nel so Informe 2021 sobro l’estáu del sistema educativu), la Xunta Xeneral del Principáu d’Asturies (parlamentu asturianu) por unanimidá, el Conseyu Escolar del Principáu d’Asturies o la Xunta de Personal Docente non Universitariu del Principáu d’Asturies.
Lo que demanda l’ALLA al Ministeriu y colo que fina la so carta “ye una modificación de los Decretos d’Especialidaes Docentes pal profesoráu de Educación Primaria y Secundaria na que se faiga constar que tamién podrán ser especialidaes les correspondientes a les llingües propies non oficiales, pero xurídicamente reconocíes como baltes, con implantación curricular y a petición de la Comunidá Autónoma. Per otru llau, ye precisu tomar en consideraci n les posibilidaes d’esta modificación al amparu de contemplar na nueva llei educativa (LOMLOE, 2020) al respective de les llingües territoriales non oficiales”.