La XVI Amuesa de Teatru Amateur d’Avilés conclúi en payares con trés representaciones y la Gala final, Les rises y l’humor van ser los grandes protagonistes, ensin dexar de llau toques de crítica social, nes propuestes qu’ufierten trés prestixoses compañíes asturianes bien conocíes na amuesa, Teatru L’Horru ya Irónicu Teatru, y la compañía convidada, que va venir dende Llión, Teatru EnObras.
Abrió’l fueu, el sábadu la propuesta de la compañía d’intercambiu, “Volpone”, de Teatru EnObras, adaptación de la comedia de Ben Jonson, na qu’un noble venecianu asonsaña tar nel llechu de muerte tres una llarga enfermedá.
Esti llunes 14, Teatru L’Horru va ufiertar “Soluciones baxo cero”. Mayusa J. Banciella afai la comedia “El pueblu más cutre d’España”, de Jean-Pierre Martínez, y Chusa Juarros dirixir. Cuatro habitantes d’un pueblu que va sumir busquen soluciones para recuperar la rellumanza perdida, hasta que llega una periodista que va enredar les pelegrines idees del alcalde y el cura.
Una selmana dempués, el llunes 21, Irónicu Teatru va traer “Mira cómo me siento”, qu’entemez l’humor y el drama, reflexando un mundu de relaciones sociales y familiares centraes n’Andrés, afectáu por una enfermedá neurolóxica nel ocaso de la so vida.
La tradicional Gala Fin d’Amuesa va poner puntu y final a la XVI Edición, tamién nel Centru Cultural de Los Canapés, el llunes 28 de payares.