“Pa denunciar esti esterminiu planificáu del nuesu idioma” qu’atalante vieno desenvolviendo Gabino de Lorenzo dende la Delegación del Gobiernu n’Asturies, militantes y simpatizantes de la Xunta pola Defensa de la Llingua Asturiana celebraron esti llunes una concentración delantre la Delgación del Gobiernu na Plaza España d’Uviéu.
Nel comunicáu asoleyáu na fin de selmana facíen un llamamientu “a tolos asturianos y asturianes, a toles organizaciones polítiques y sindicales, a representantes na Xunta Xeneral y nos conceyos a xuntase con nós esi día pa dici-yos lo más enérxicamante que séamos quién que queremos la nuesa llingua reconocida llegalmente cola OFICIALIDÁ, queremos poder usar la nuesa llingua con LLIBERTÁ y NORMALIDÁ. En definitiva QUEREMOS PODER VIVIR N’ASTURIANU”.
Y esti llunes, encabezaos pol ya míticu personaxe reivindicativu de la “Pita”, la XDLA denunciaba qu’Asturies merez un respetu y qu’aiciones como la de Gabino de Lorenzo interfiriendo na autonomía local del Conceyu de Noreña esta selmana nun fain sino afondar “nun esterminiu llingüísticu planificáu”. Los manifestantes pidieron otra vuelta la oficialidá de la llingua asturiana pa iguar una situación qu’atenta escontra los derechos humanos elementales.