La XDLA pieslla les xornaes sobre’l Llibru Blancu

Esti miércoles 29 de febreru a les seis de la tarde, va celebrase la cabera xornada de los alderiques entamaos pola Xunta pola Defensa de la Llingua Asturiana (XDLA) pa celebrar los los 15 años de la espublización del “Llibru Blancu de la recuperación y normalización llingüística d’Asturies”. L’actu va centrase nesta ocasión na recuperación y normalización llingüística, celebrándose nel Salón d’Actos del Departamentu de Filoloxía Española de la Universidá d’Uviéu.

Van participar nesta ocasión Carlos Pulgar, voceru de la XDLA; Ramón d’Andrés, profesor de Filoloxía Asturiana na Universidá d’Uviéu; y David Guardado, filólogu. Va moderar el debate Llucía Menéndez Suárez, miembru de la organización convocante.