La selmana anterior a la del Conciertu pola Oficialidá, que va celebrase l’8 de xunu en Xixón, la Xunta pola Defensa de la Llingua Asturiana va entamar n’Uviéu, na Plaza’l Pescao, una esposición onde van axuntar los cartelos y otros materiales de les 25 ediciones del Conciertu.
La inauguración va ser el martes 4 de xunu, a les ocho de la tarde, y tán convidaes toles persones músiques de los cuasi 70 grupos que participaron nestos 25 años del Conciertu.