La Universidá d’Uviéu va ufiertar el próximu mes de setiembre un cursu gratuitu n’Avilés sobro seguridá y protección del territoriu, enmarcáu na programación de les Aules d’Estensión Universitaria, dirixíu a profesionales de la seguridá, estudiantes y públicu en xeneral.
Les clases del nuevu cursu impartiranse un día a la selmana del 24 de setiembre al 22 de payares nel Edificiu de Servicios Universitarios d’Avilés, allugáu na cai de La Ferrería, y tán dirixíes a profesionales de la seguridá, estudiantes y públicu en xeneral interesao na conocencia de los institutos y medios colos que l’estáu intenta garantizar la seguridá de los ciudadanos y la protección del territoriu.
El cursu va tener un altu conteníu práctico con reconocencia de les plataformes dende les que s’actúa énte los desastres naturales, atender al caltenimientu de la salú pública, les emerxencies sanitaries, el salvamentu marítimu, el sistema de protección a los dependientes y les infraestructures crítiques pal bienestar de la población y el desendolque de la vida económica. Axunta a profesionales d’altes cualificaciones nestos campos, que van impartir les conferencies y van conducir les visites empuestes. La matrícula puede realizase online hasta’l próximu 10 de setiembre.