Especialistes de la Universidá d’Uviéu van llevar a cabu, probablemente nel mes de setiembre, un estudiu previu del terrén nel que s’alluga la fuesa de La Pinera pa evaluar la viabilidá d’una actuación posterior y ver el meyor métodu p’alcontrar los restos de los represaliaos soterraos ellí.
Asina se-yos tresmitió siquier a los integrantes del grupu de trabayu de la fuesa nuna xunta caltenida esta selmana cola directora xeneral de Xusticia, Encarnación Vicente y el profesor de la Universidá d’Uviéu Paulino Fernández, amás de distintos técnicos de dambes instituciones.
Tres l’estudiu del terrén determinaráse si ye vidable utilizar un xeorradar o utilizar el métodu resistivu, tamién llamáu tomografía eléctrica. Si cualesquier de los dos ye posible, va treslladase unu pidimientu a la Conseyería de Fomentu por que dea en realizar una llimpieza na zona que dexe l’empiezu de los trabayos de localización de los restos.