La Unión d’Historiadores Progresistes dedica una xornada a les muyeres y la defensa de la minería

Esti xueves a les 12:00 nel salón d’actos del edificiu d’alministración de la Facultá de Filosofía y Lletres d’Uviu va tener llugar la proyeución d’un fragmentu del documental Resistencia Minera cola presencia del so direutor Marcos Martínez.

Amás nel actu cuntarase cola presencia de varies representantes del coleutivu Muyeres del carbón provenientes de les distintes cuenques mineres, “que van falanos de la movilización sostenida en defensa de la minería y d’un futuru dignu pa los trabayaores del seutor”, espliquen dende la organización.