El discursu de la derecha sobre el suspuestu conflictu llingüísticu nes comunidaes con cooficialidá ta siendo dafechu manipuláu n’Asturies polos medios de comunicación tradicionales, mentantu nes redes afitase la realidá. El casu d’una tuitera andaluza que vive en Galiza ye unu de los más espardíos estos díes.
Nun ye sólo n’Asturies onde se ven reportaxes de xente d’estrema derecha que diz que tuvo que volver a Xixón porque nes Baleares los perseguíen llingüísticamente, no que paez una poco espontánea atención a presuntos mártires del billingüismu escluyente y ello ta faciendo que s’espardan pola rede casos verídicos de normalidá bien alloñaos de les mentires que los grupos neofascistes tan espardiendo col sofitu de medios de comunicación tradicionales.
Depués de que’l profesor de Filosofía Pedro Insua publicara en El Español un artículu tituláu: “La normalización lingüística, una anormalidad democrática”, falando del casou de Galicia y de lo qu’elli noma como “la imposición artificiosa de las lenguas cooficiales” que marxina a tolos ciudadanos españoles, nes redes, multiplicáronse les acusaciones a Insua de “manipular” la realidá.
Ente los filos más destacaos criticando esa situación alcuéntrase’l d’una tuitera andaluza, espardíu esti día pol diariu Público, nel que, básicamente, niega que se dean problemes pa cualquier castellanufalante en Galiza: