La Policía Nacional anunciaba esti llunes 29, la recuperación de “más de 50 pieces d’arte sacru d’incalculable valir” que fueron robaes de la Casa de la Provincia de la Diputación de Sevilla, centros eclesiásticos ya ilesies d’Andalucía y Portugal dende l’añu 2006. Dos persones fueron deteníes na capital sevillana: J.J.R.A., un imaxineru de 39 años, y al so hermanu Y.M.R.A., de 44, son los presuntos autores de los robos.
Les pieces recuperaes son obres pictóriques, escultures, traxes, mantos y capes d’imaxes relixoses y atopábense ocultes nel taller de restauración d’unu de los deteníos, en Sevilla, y ente elles alcontrábase un bustu de márcole de Marco Aurelio. Según la policía, l’imaxineru deteníu facía trabayos de restauración n’ilesies y otres instituciones rellacionaes col patrimoniu históricu.