Na Plaza de Feijoo empecípiase’l Concursu de Rock, con trés actuaciones y como convidáu, Tigra, grupu ganador de la pasada edición; na Plaza del Paragües actuaben Cerezal y nel Paséu del Bombé, el Coru Mistu Reconquista. Asina entamaba San Mateo 2017.
Tres el pregón del periodista Sid Lowe, dende’l balcón del Conceyu, y el chupinazo, al cargu de los equipos del Real Uviéu Femenín y el Ansa Balonmano Femenín too tuvo llisto por qu’entamara San Mateo 2017. Los chiringos yá taben abiertos oficialmente y Uviéu va convertir nuna gran fiesta.
Los conciertos de San Mateo 2017 arrincaben na Plaza de la Catedral: Corquiéu diba ser la formación encargada d’empecipiar la parte musical de les fiestes, a partir de les 21 hores. Y siguieron nesi escenariu’l grupu de pop La Oreya de Van Gogh, sobro les 23 y pesllando les actuaciones la banda de reggae Green Valley.
Na Plaza Feijoo tamién hubo música, a partir de les 22:30: la del XX Concursu de Rock Ciudá d’Uviéu – Alejandro Blancu “Escayu”; actuando los trés primeros grupos participantes y como formación convidada, Tigra, ganadores de la pasada edición del certame.