La Música Tradicional Asturiana a debate n’El Cafetón d’Avilés con Ambás, Chus Pedro, Tejedor y Xuacu Amieva

Güei 21 de payares, a les nueve la nueche, va celebrase nel chigre “El Cafeton” d’Avilés, asitiáu na Cai del Sol, una tertulia sobre Música Tradicional Asturiana a la que yá confirmaron la so asistencia Chus Pedro, del grupu Nuberu, Xosé Antón Ambás, presentador del programa Camín de Cantares de la TPA y los músicos Jose Manuel Tejedor y Xuacu Amieva.