La Manzorga pretende ser un espaciu pa la dinamización socio-cultural dende un enfoque críticu. Por ello quier ser un nuevu llugar dalcuentru “pa los y les d’abaxo, les sos esperiencies y les sos visiones”, espliquen dende la dirección d’esti nuevu llocal xixonés.
Nesti espaciu van facese presentaciones de llibros, seminarios d’alderique, proyeiciones de películes, actos rellacionaos col teatru y la poesía, ente otres actividaes. Tamién va disponer duna llibrería onde se van poder alcontrar estremaes aportaciones del pensamientu alternativu (anticapitalismu, feminismu, ecoloxismu, novela y hestoria sociales, etc.) y de la cultura asturiana (lliteratura, etnografía, ensayu, etc.).
L’actu d’inauguración va ser el vienres 19 de xunetu a les 20 hores.