Redacción.
Güei a les siete la tarde na Estación del Norte d’Uvieu va salir la manifestación pola oficialidá de la llingua asturiana, convocada pola Xunta pola Defensa de la Llingua Asturiana como cada añu.
A la fin de la manifestación, l’Academia de la Llingua Asturiana va celebrar la tradicional Xunta Estraordinaria, onde va ser nomada Miembru de númberu de la mesma, la profesora Marta Mori d’Arriba.
Estos dos actos ponen fin a más d’una selmana de celebraciones organizaes per toa Asturies, lo mesmo dende la Conseyería de Cultura que dende otres instituciones. Sicasí, los actos organizaos esti añu pa la Selmana les Lletres allárguense nel tiempu per delles selmanes más.