El plazu d’inscripciones empieza esti 7 de xunu p’actividaes acuátiques y el 8 de xunu pal restu. Podrá realizase en toles instalaciones deportives municipales d’Avilñés y na web municipal.
La campaña de branu 2017 de la Fundación Deportiva Municipal ufierta nesta edición daqué más de 6.000 places en 26 actividaes deportives pa los meses de xunetu, agostu y setiembre. Les inscripciones van ser abonaes en metálicu en cumplimientu de la ordenanza fiscal 108, articulo 6, párrafu 2), sacante na modalidá de matrícula online
La ufierta deportiva del branu na ciudá inclúi les siguientes actividaes en cancha, sala, al campu y acuátiques:
– Actividaes acuátiques: bebés, preescolares, primaria, nueves, adultos (nacíos en 1999 o antes), ximnasia acuática pa menores de 64 años, ximnasia acuática pa mayores de 64 años, embarazaes, natación de caltenimientu, natación pa persones con discapacidá, aquarunning, aquaerobic, multiactividad pa persones adultes multiactividad xuvenil y multifitness.
– Actividaes de sala y cancha: aeróbic con step, yoga, GAP, pilates, multiactividad, ximnasia de caltenimientu pa persones adultes (mayores de 16 años), ximnasia pa mayores de 64 años, runfa, hipopresivos y ciclismu indoor.
– Actividaes nel campu: cursinos de tenis y ximnasia al campu en parques.