El Centru d’Empreses La Curtidora d’Avilés dedica’l mes de febreru al Marketing y va llevar a cabu una serie d’actividaes dedicaes a entamadores y empresarios locales coles mires d’ameyorar les sos estratexes comerciales y amontar les sos vientes.
El conceyal de Promoción Económica, Manuel Riola, presentó la selmana pasada’l programa, que foi ellaboráu pol equipu de la conceyalía en collaboración con dellos espertos de la ciudá y fizo anuncia de que les inscripciones pa participar nes actividaes que s’ufierten ya pue facese na web del Ayuntamientu.
N’Avilés hai 2.700 empreses y 4.200 empresarios individuales y l’analís que realicen los especialistes diz que ye necesaria una campaña d’especialización comercial qu’asitie los sos productos y servicios nun circuitu cimeru.
Les actividaes -6 talleres especializaos- van tratar sobre’l correctu usu de la imaxe y el vídeu pa tresmitir una determinada imaxe, ferramientes pa ser eficaces nes redes sociales con un perfil profesional y los principales erros que se cometen nel marketing. Les places son llindaes y l’inscripción va faese al traviés de la páxina web municipal www.aviles.es
Programación
Xueves 4 de febreru. Taller: “Cómo estremate: una imaxe a la to midida”
10.00-12.00 hores.
Emilio García Otero y Fernando Almaraz Fernández, profesores de Diseñu Gráficu y Diseñu de Productu, respectivamente, de la Escuela Cimera d’Arte del Principáu d’Asturies, van falar sobre los secretos de la imaxe y el diseñu por que una imaxe tresmita les sensaciones deseyaes.
Xueves 11 de febreru. Taller: “Cómo usar el vídeu na to estratexa de marketing dixital”
10.00-12.00 hores.
Joaquín F. Collada, pioneru de la comunicación audiovisual n’Asturies y espertu en Comunicación Audiovisual pola Universidá Europea, va amosar cómo afecten los últimos enclinos en consumu audiovisual al marketing dixital y cómo puede aprovechase esti enclín, d’una manera senciella, p’ameyorar la posición d’una empresa.
Miércoles 17 de febreru. Taller: “Qué tenemos de tener en cuenta pal ésitu de la nuesa presencia en Facebook”
10.30-12.30 hores.
Rocío F. Naves enceta tolos meses dende’l Serviciu d’Acompañamientu Tecnolóxicu de La Curtidora l’aplicación de soluciones TIC a les necesidaes de les empreses, con dos píldores diseñaes específicamente pa multiplicar la presencia en redes sociales.
Xueves 18 de febreru. Taller: “Les peores práctiques del marketing. Cómo vender na canal fayadiza”
10.00-12.00 hores.
Tiago Lemos, espertu internacional en marketing qu’anguaño lidera’l departamentu de Marketing, nel so seminariu va falanos de los erros más comunes al intentar utilizar canales desaparentes pa les nueses vientes.
Miércoles 24 de febreru. Taller: “Afaya Pinterest y toles ventayes que puede apurrir a la to empresa”
10.30-12.30 hores.
Rocío F. Naves.
Xueves 25 de febreru. Taller: “El diseñu na to estratexa de marketing”
16.30-17.30 hores.
Monchi Pedreira, de l’axencia de diseñu Signum, va desvelar la importancia del diseñu pa remembrar dende una primera mirada lo que quier comunicase d’una empresa y los sos productos.
Inscripciones en
http://aviles.es/web/empreses/axenda