La Conseyería de Cultura asoleya una guía n’asturianu del Camín de Santiago primitivu

La Conseyería de Cultura dio anuncia estos díes del asoleyamientu d’una guía del camín primitivu de Santiago n’asturianu. La guía, de 55 páxines, tien el títulu “Camín Primitivu a Santiago de Compostela. D’Asturies a Galicia pel Camín Primitivu” y ñaz col enfotu de convertise nuna ferramienta eficaz al serviciu del pelegrín, brindándo-y una descripción del itinerariu a siguir y datos sobre los posibles llugares d’aprovisionamientu y folganza. Arriendes d’ello, el llibrín incorpora un bayurosu material gráficu y planos detallaos de cada tramu. Esta publicación va unviase de baldre a tol que lo pida nel mail opll@princast.es