La conceyalía d’Educación del conceyu d’Uviéu va reabrir les trés biblioteques rurales qu’entá permanecen cerraes el próximu 7 de marzu.
Dende la conceyalía d’Educación, dirixida pola conceyala Lourdes García, señalen que cola recién incorporación de personal, concretamente de dos auxiliares alministrativos y un auxiliar de biblioteques, yá ye posible reabrir la biblioteca de Trubia, de San Cloyo y de Tudela Veguín.
Estes biblioteques van abrir les sos puertes el llunes 7 de marzu, n’horariu partíu, como veníen reclamando los usuarios d’estos equipamientos municipales.
De siguío, detallamos l’horariu d’apertura de les trés biblioteques rurales:
SAN CLOYO: llunes, martes, xueves y vienres
Llunes y martes: 15:30 a 19:30
Xueves y vienres: 9:30 a 13:30
TRUBIA: llunes, miércoles, xueves y vienres
Llunes y miércoles: 15:30 a 19:30
Xueves y vienres: 9:30 a 13:30
TUDELA VEGUÍN: martes y miércoles 15:30 a 19:30