Coincidiendo cola Selmana de les Lletres Asturianes, La Mancomunidá Comarca de la Sidra tresllada la so esposición coles obres del V Concursu de Cómic al conceyu de Cabranes, a la Casa la Cultura María Xosefa Canellada de Santolaya, capital del conceyu.
Esta amuesa, na que van tar presentes la obra ganadora del concursu, Les cuentes de Gasparín, d’Alfonso Zapico Fernández, asina como los dos accesit concedíos pol xuráu, que foron ¿Otru culín?, de Juan Miguel Borja Estévez y Millagru na canga, de Jose Juan González García.
La obra va abrise al públicu esti vienres, día 2 de mayu, y va tar espuesta hastal día 11 del mesmu mes. Amás de les mentaes obres, tamién va esponese una esbilla colos meyores trabayos presentaos al concursu.