La Bandina’l Tombo llega güei al Tierra Astur de Cualloto dientro d’una espicha dedicada a los quesos

Güei xueves, na sidrería Tierra Astur de Cualloto, La Bandina’l Tombo va actuar na espicha que s’entama dientro de les xornaes “El país de los 40 quesos”. La formación recrea la música que tocaben les bandines o orquestines qu’a últimos del sieglu XIX y primeros del XX andaben peles romeríes asturianes coles sos pieces de baille onde se xuntaben los ritmos más tradicionales colos que llegaron más modernamente.

El grupu ta formáu por Carlos Tejerina (contrabaxu), Dolfu Fernández (vigulín), Marga Lorences (curdión) y Pepín de Muñalén (xiblata).