La Banda de Música d’Avilés estrena dos nueves obres nel so conciertu d’esti sábadu na plaza d’España a les 12.30 hores, dientro del programa de fiestes de San Agustín.
La Banda de Música d’Avilés ye una de el animadores de les fiestes de San Agustín, y esti sábadu, 27 d’agostu, va ufiertar un nuevu conciertu, na plaza d’España, nel que va estrenar para la ocasión dos nueves obres. Una con temática celta, “Highlights from Brave”, y una bien especial versión de la conocida “Despacito”. Va Ser a les 12.30 hores. Un conciertu que promete muncha animación, y que va convidar al públicu presente a la participación y al baille, gracies al repertoriu que preparó la banda, que va cuntar cola dirección de Xuacu Llaneza, y la participación d’alredor de 30 músicos.
Sorpreses musicales pa tolos gustos, amás de los nuevos cantares d’estilos tan diversos como’l celta y el llatinu, nun estrenu que yá ye costume, como pudo esfrutase nel conciertu qu’ufiertaron nel parque del Muelle. Amás, la banda va poner güei mesmu’l so sellu musical a les allegaes places y cais del centru históricu de la ciudá nestos díes festivos, con un animáu pasacalles que va dar empiezu a les 20.30 hores.