L’ensayu tará presente na Arribada con trés presentaciones de llibros

L’Arribada se celebra del 9 al 17 de setiembre, dará-y un espaciu importante al ensayu sobro la realidá del País. Precisamente mañana, día 17, habrá trés presentaciones y una tertulia (D’Alderique) onde van recoyese estremaes visiones alrodiu del ser d’Asturies.

Los actos allúguense nel patiu del Centru de Cultura Vieyu Institutu de Xixón. A les 12:00 hores, presentaráse’l llibru “Incompetentes y autoritarios. La industria de Xixón dende l’autarquía al desmantelamientu” de David M Rivas. A les 12:30, D’Alderique tratará de “La realidá propio nel ensayu asturianu”. Yá n’horariu de tarde, presentaránse a les 17:00 hores “De totalitarios a demócrates” de Pablo Rodríguez Alonso y a les 17:30 hores “De les coses del mundu (1)” d’Ignaciu Llope.