La Selmana Negra ufre dendel vienres y hastal sábadu 18 de xunetu, un conciertu diariu nel so escenariu principal, siempres a partir de les 22:30 hores. Ayeri domingu foi Raimundo Amador, perconocíu Cantante, guitarrista y compositor de flamencu, mientres que güei, llunes 13, August Tharrats va ser lencargáu de facer un homenaxe a Billie Holiday. Esti artista foi pioneru del blues y del swing en Cataluña, y bien a ufrir un espectáculu de música ya imágenes.
El martes va actuar Jack et le Takeifa, grupu formáu por una familia de gambia quuna música con acentos del Senegal ya influencia de la llamada “diáspora africana” a los países europeos.
El miércoles 15, La Negra, Con una voz enllena de swing ye quien a amestar flamencu, jazz, tangu y música brasileña con gran aciertu. El xueves llega Taxi, un grupumusical de pop-rock ñacíu de la escisión de Melón Diesel. La banda ta compuesta por Dylan Ferro, Dani Fa y Danny Buge-ja, rock en castellán dun estilu asemayáu a la formación orixinal.
El vienres 17 Tonino Carotone, un grupu que dirixel que fuera llider del grupu punk vascu Tijuana in Blue. Esti músicu toca agora con retranca ya ironía al amor, al alcohol y al pecáu.
Y el pieslle musical desta selmana negra va ponelu un asturianu Pablo Valdés con cantares en castellán marcaos pola carretera, la nueche, la lluvia y el deséu de llibertá. Esti cantautor ganó en 2007, el concursu de maquetes de 40 Principales Asturies.
La Selmana Negra cunta tamién con otra llarga riesta de meses redondes, presentaciones de llibros, esposiciones, charres, recitales de poesía o proyecciones cinematográfiques.