L’Arribada entama esti vienres cola llegada de los escritores a la villa de Xovellanos

El sábadu tuvo llugar, na llibrería xixonesa “Alborá”, la presentación del programa de la viniente Arribada 2008. Nel actu intervinieron David M. Rivas, de la secretaría técnica del eventu, Humberto Gonzali, coordinador de l’Arribada, y Roberto Colunga, miembru del Bloque por Asturies y asesor de política llingüística de la Conceyalía de Cultura Tradicional de Xixón. La tercer edición d’esti alcuentru de lliteratos va entamar esti vienres a les cinco la tarde cola llegada del barcu “Cimavilla I” a El Muelle de Xixón.

A lo llargo d’esta Arribada van celebrase 35 presentaciones de llibros, 6 conciertos y ocho proyecciones audiovisuales.