Portada Lliteratura L’ALLA espubliza un númberu nuevu de la revista Lliteratura

L’ALLA espubliza un númberu nuevu de la revista Lliteratura

by asturnet

L’Academia de la Llingua Asturiana espublizó apocayá’l númberu 28 de “Lliteratura. Revista Lliteraria Asturiana”. Nel númberu apaecen testos de José Luis Rendueles, Lauren García, Héctor Pérez Iglesias, Inaciu Galán y Lourdes Álvarez, con poesía, narrativa, traducción y teatru.

La publicación, dirixida por Xosé Bolado, inclúi tamién una entrevista de Paz Fonticiella a Montserrat Garnacho, un ensayu de Vicente García Oliva sobre lliteratura y política por cuenta del cuarenta aniversariu de la revista Libre, traducciones d’Antón Gacía de diecinueve poetes norteamericanos del sieglu XX y les adaptaciones que fizo Toli Morilla de dellos cantares de Bob Dylan.

P’acabar, Lliteratura recueye una crítica de Luz Pichel sobre’l llibru de Berta Piñán Arroz, agua y maíz.

Conteníos completos de la revista

Tamién te podria gustar