Konjuro Teatro lleva al Teatru Palacio Valdés d’Avilés “Alicia 21”, la obra qu’estrenare esti mes en Xixón

Esti miércoles 21 de payares, a les 20,15, nel Teatru Palacio Valdés d’Avilés, Konjuro Teatro presenta, depués d’estrenala en Xixón, la obra de Jorge Moreno “Alizia 21”, dientro del ciclu “Fecho n’Asturies” del Ayuntamientu d’Avilés. La obra foi la ganadora de la segunda edición del Premiu Xovellanos a la producción escénica, dotáu con 18.000 euros pa facilitar el so montaxe. Jorge Moreno ye’l director amás d’actor xunta Sonia Vázquez, Ana María Blanco, Cristina Cillero, Luchy Colunga y David Acera.