L’artista llaniscu Kiko Miyares ta esponiendo estos díes, parte de la so obra na Galería Espacio Líquido de Xixón (C/Jovellanos, 3). Na amuesa, que lleva por títulu “La naturaleza te mediovigila”, Miyares xuega coles tecniques del debuxu, el cómic y la escultura pa crear un llinguax propìu nel que rescamplen sobre manera les sos talles pintaes en madera. L’horariu de visites, siempre de baldre, ye de 12:00 a 21:00 hores.
Kiko Miyares licenciose na facultá de Belles Artes de la Universidá del País Vascu nel añu 2001 y esi mesmu añu algamó’l Premiu Nacional de Pintura Aldeasa. Residente en Bilbao, fizo delles esposiciones na capital vizcaina durante los últimos años, ente les que tan “El camión de madera”, na galería Espacio Abisal. Tamien tien collaborao n’iniciatives como l’amuesa Zabala-Zabalik de 2007.