El críticu d’arte y escritor Juan Manuel Bonet (París, 1953), actual director del Institutu Cervantes na capital francesa y exdirector del IVAM, va ser el nuevu director del Cervantes en sustitución de Víctor García de la Concha, sigún asoleyaron esta selmana pasada fuentes del ministeriu d’Educación, Cultura y Deporte.
El Gobiernu va relevar na so xunta del Conseyu de Ministros a García de la Concha, que lleva xusto cinco años al mandu de la institución de promoción y defensa de la llingua española y l’espardimientu de la cultura d’España y Hispanoamérica.
Bonet, consideráu unu de los espertos en pintura contemporanea más importantes d’España, ye director del Institutu Cervantes en París dende 2012, foi director del Muséu Reina Sofía (2000-2004) y del IVAM de Valencia (1995-2000).