Dientro del programa de cursos d’Iniciativa pol Asturianu pa los meses de la seronda y l’iviernu, nel que s’incluyen cursos en dellos conceyos y a distancia, la entidá organiza esti añu un cursu de creación lliteraria que va impartir la escritora Vanessa Gutiérrez.
El mentáu cursu va centrase n’ampliar les habilidaes del alumnáu y afalagar la so creatividá, al traviés d’exercicios de creación y traducción, llectura y tamién conocencia de la hestoria de la lliteratura asturiana, con especial atención a les décades últimes.
El cursu va impartise los xueves de 19 a 21 hores nel Conseyu de la Mocedá de Xixón, dende’l mes d’ochobre hasta abril. El preciu del cursu colos materiales incluyíos ye de 60 euros. La matrícula pue facese na páxina web d’Iniciativa pol Asturianu hasta finales de setiembre, pudiendo resolvese duldes nel corréu info@iniciativapolasturianu.or