La selmana pasada, Darío de Dios, de la directiva d’Iniciativa pol Asturianu, aconceyó con Esther Castro, responsable del Serviciu de Normalización Llingüística nel Conceyu de Siero.
La idega yera conocer de cerca’l trabayu y la situación d’esti SNL y buscar xeres nes que trabayar a comuña pola normalización de la nuesa llingua na sociedá asturiana, y n’especial nel conceyu de Siero.
Pal representante d’Iniciativa pol Asturianu “la impresión foi perbona, Esther trabaya dedicada dafechu a facer normal l’usu la llingua”. Dende la organización, col mesmu enfotu, propunxeron delles actividaes que facer, magar que nun s’alcordaron actuaciones concretes, sí hai la voluntá de siguir afondando na collaboración a la llargo del añu viniente.