Iniciativa pol Asturianu facía esti vienres l’anuncia de que va poner en marcha un proyectu que busca reforzar el númberu de cursos d’asturianu p’adultos que se ponen cada añu per toa Asturies, asina como entamar cursos d’otres materies col asturianu como llingua vehicular.
Pa ello, convoca a profesores col certificáu como maestros o profesores de Llingua Asturiana interesaos en participar nesti proyectu de voluntariáu remuneráu a unviar los sos datos y CV xunto con unes ringleres (Ente 5 y 10) nes que se presenten.
Amás, ye necesario especificar los conceyos preferentes nos que tendríen disponibilidá pa poner clases, asina como los horarios llibres davezu a lo llargo de los próximos meses. Los datos pueden unviase a contautu@iniciativapolasturianu.org hasta’l próximu 30 d’agostu.