Un añu más espónense les fotografíes llograes polos usuarios mientres la celebración de l’actividá veraniega “Semeya d’una Nueche de Branu” nel Muséu del Ferrocarril d’Asturies. Va ser dende esti vienres 19 d’ochobre de 2018 hasta marzu de 2019.
Mientres les nueches de los díes 21, 22 y 23 de xunetu de 2017 el Muséu del Ferrocarril d’Asturies volvió convertise nun gran estudiu fotográficu. Casi 300 persones allegaron colos sos cámares esa fin de selmana. La gran arribación de fotógrafos y la cantidá d’imaxes recibíes obligaron a realizar una selección de 75 fotografíes d’entra les casi doscientes que llegaron al muséu. El xuráu encargáu d’esta selección taba compuestu tantu por fotógrafos profesionales como por aficionaos especializaos en fotografía ferroviaria.