La III Bienal de Pintura qu’entama l’ASPES, asociación de pintores al pastel va tar abierta al públicu hasta’l 21 de febreru de 2016. L’horariu d’apertura va ser de llunes a sábadu de 11:30 a 14:00 y de 17:00 a 21:00 hores; los domingos de 11:30 a 14:30.
ASPES foi creada por un grupu de pintores d’Uviéu, col fin de contribuyir a la promoción de la técnica pictórica del pastel. Entamen esposiciones p’averar la so técnica al públicu y conviden pintores de sonadía nacional y estranxeros.
ASPES ye una asociación ensin ánimu d’arriquecimientu fundada nel añu 2007. Ta inscrita nel Rexistru Nacional d’Asociaciones y ye miembru de la Internacional Association of Pastel Societies (IAPS), qu’axunta a les más importantes asociaciones de pintores pastelistas del mundu.